മലയാളം ചാനലുകളിലെ സ്ഥിരം കൊമാളിതരങ്ങളും കണ്ണീര്‍ സീരിയലുകളും കണ്ടു മടുത്ത ഞാന്‍ റിമോട്ടില്‍ അമര്‍ത്തി പിടിച്ചു കൊണ്ടിരുന്നു അപ്പോളാണ് ഡിസ്കവറി ചാനലിലെ "Man vs Wild " എന്ന പ്രോഗ്രാം കാണാന്‍ ഇടയായത്.ഒരു മനുഷ്യന്‍ മരുഭൂമി പോലെ തോനിക്കുന്ന എന്നാല്‍ ഇടക്ക് ചെറിയ കുറ്റി ചെടികളും മറ്റുമുള്ള വിജനമായ സ്ഥലത്തുകൂടി നടന്നു കൊണ്ടിരിക്കുന്നു .തമിഴ് ഡിസ്കവറി ചാനല്‍ ആയതുകൊണ്ട് അയാള്‍ പറയുന്നത് തര്‍ജ്ജമ ചെയ്തു തമിഴില്‍ ആക്കിയിരുന്നു .കിഴക്കന്‍ ആഫ്രിക്കയിലെ ഏതോ പ്രദേശം ആണെന്ന് അയാളുടെ സംസാരത്തില്‍ എനിക്ക് മനസിലായി.അയാള്‍ വെള്ളം അന്വേഷിച്ചു പോകുകയാണ് .അയാള്‍ തീരെ അവശനാണെന്ന് അയാളുടെ മുഖം കണ്ടാല്‍ അറിയാം.അയാള്‍ നടന്നു കൊണ്ടിരുന്ന വഴിയില്‍ ഒരു ഒട്ടകം(മരുഭൂമിയിലെ കപ്പല്‍ ) ചത്ത്‌ കിടക്കുന്നു.അദ്ദേഹം അതിനെ പരിശോധിക്കുന്നു മരിച്ചു കഴിഞ്ഞിട്ട് കുറച്ചു സമയമേ ആയിട്ടുള്ളൂ എന്ന് അയാള്‍ ഉറപ്പിച്ചു .കയ്യില്‍ ഉണ്ടായിരുന്ന കത്തിയെടുത്തു അതിന്‍റെ തൊലി ചെത്തിയെടുക്കാന്‍ തുടങ്ങി.തൊലിക്കടിയില്‍ കിടന്ന കൊഴുപ്പ്(പൂഞ്ഞ ) തിന്നാന്‍ തുടങ്ങി എന്ത് ആവേശത്തോടെ ആണ് അയാള്‍ അത് കഴിക്കുന്നത്‌ എന്ന് നോക്കി എനിക്ക് ഓക്കാനിക്കാന്‍ വന്നു.ഇയാള്‍ എന്തൊരു മനുഷ്യന്‍ ?? പച്ച മാംസം കഴിക്കുന്ന ഇയാള്‍ മനുഷ്യ വര്‍ഗ്ഗം തന്നെ ആണോ?. എനിക്കയോളോട് വെറുപ്പും ദേഷ്യവും തോന്നി ഞാന്‍ ചാനല്‍ മാറ്റി മനോരമ ന്യൂസ്‌ ചാനല്‍ വച്ചു ."ദല്‍ഹി മാനഭംഗത്തിനു ഇരയായ പെണ്‍കുട്ടി ഗുരുതരാവസ്ഥയില്‍ " ഈ സ്ക്രോളിംഗ് ന്യൂസ്‌ ആണ് ആദ്യം കണ്ണില്‍ പെട്ടത് .
ഈ വാര്‍ത്ത കേട്ടപോളാണ് ചത്ത്‌ കിടന്ന ഒട്ടകത്തെ വിശപ്പ് അകറ്റാന്‍ കഴിച്ച അയാളെ ഞാന്‍ എന്തിനു വെറുക്കണം ,ദേഷ്യ പെടണം സഹതപിക്കണം ?? . ഈ ഭൂയില്‍ ഉള്ള സകല ജീവജാലങ്ങളുടെയും സമാനതകളുള്ള വികാരം വിശപ്പ് മാത്രമാണ്.ആ വികാരത്തെ ശമിപ്പിക്കാന്‍ ആര്‍ക്കും ഉപദ്രവമില്ലാതെ ചത്ത്‌ കിടന്ന ഒട്ടകത്തെ ഭക്ഷണമാക്കിയതില്‍ എന്താണ് തെറ്റ്. എന്നാല്‍ ദല്‍ഹി നഗരത്തില്‍ സിനിമ കണ്ടു തിരിച്ചു വരികയായിരുന്ന സുഹൃത്തുക്കളെ ബസ്സില്‍ വച്ച് പീഡിപ്പിച്ച് ജീവച്ചവം ആക്കിയ നാരാധപന്‍ മാരുടെ വികാരം എന്തായിരിക്കും ?.യോനി നാളത്തിലൂടെ ഇരുമ്പ് ധണ്ട് കയറ്റി ആഹ്ലാതിച്ചവന്റെ വികാരം എന്താണ് എന്ന് എനിക്ക് എത്ര ആലോചിച്ചിട്ടും മനസിലാകുന്നില്ല.ആ സഹോദരി അനുഭവിച്ച വേദന ഓര്‍ക്കുമ്പോള്‍ കയ്യും കാലും തളര്‍ന്നു പോകുന്നു .ഈ പരിഷ്കൃത സമൂഹത്തില്‍ മൃഗങ്ങളോട് പോലും കാണിക്കാത്ത ക്രൂരത ആ സഹോദരിയോടു കാണിക്കാന്‍ മാത്രം എന്തെങ്കിലും പൂര്‍വ്വ വൈരാഗ്യം ഉള്ളതായി എവിടെയും ഇ കാലയളവില്‍ വായിച്ചിട്ടില്ല.അപ്പോള്‍ പിന്നെ "കാമം" എന്ന വികാരം മാത്രമാണോ അവരെ ഈ ക്രൂര കൃത്യത്തിനു നയിച്ചത്.
സ്ത്രീ അമ്മയാണ് പെങ്ങള്‍ ആണ് എന്ന് പഠിപ്പിച്ചുകൊണ്ടിരിക്കുന്ന സമൂഹമാണോ ഇത്തരം കാമ ഭ്രാന്തന്മാരെ സൃഷ്ട്ടിക്കുന്നത് ?? ലൈംഗിക വിദ്യാഭ്യാസത്തിന്റെ കുറവാണോ കാരണങ്ങള്‍ ?? ഇങ്ങനെ ഉത്തരം കിട്ടാത്ത ഒരു പാട് ചോദ്യങ്ങള്‍ ഉണ്ട്.
ഒരു മനുഷ്യന്‍റെ വ്യക്തിത്വം രൂപപ്പെടുത്തുന്നതില്‍ അവന്‍റെ വീടും സാമൂഹിക ചുറ്റുപാടും വലിയ പങ്ക് വഹിക്കുന്നുണ്ട്.വീട്ടില്‍ നിന്ന് തുടങ്ങുന്ന ആ വ്യക്തിത്വ രൂപികരണം അവന്‍റെ വിദ്യാഭ്യാസം സാമൂഹിക ഇടപെടലുകള്‍ കൂട്ടുകാര്‍ എന്നിവയിലൂടെ പൂര്‍ത്തീകരിക്കുന്നു.ഈ രൂപികരണ വേളയിലാണ് "സെക്സ് "അഥവാ കാമവികാരം അവനെ ആകര്‍ഷിക്കുകയോ ചര്‍ച്ച ചെയ്യുകയോ ചെയ്യുന്നത്.കൊച്ചു കൊച്ചു അറിവുകള്‍ അവനെ കൂടുതല്‍ ജിഞാസു ആക്കുന്നു .പുതിയ കാലത്തിലെ മൊബൈല്‍ ക്ലിപ്പിങ്ങുകള്‍ അവന്‍റെ ആഗ്രഹങ്ങളുടെ വേഗത കൂട്ടുന്നു. സെക്സ് എന്ന വികാരം സ്ത്രീ യില്‍ ഉപയോഗിക്കുമ്പോളാണ് പൂര്‍ണത എന്ന അത്യന്ധികമായ തിരിച്ചറിവില്‍ എത്തിക്കുന്നു .ഈ തിരിച്ചറിയപ്പെട്ട വികാരം അടിച്ചമര്‍ത്തി അവന്‍ ഈ സമൂഹത്തില്‍ ജീവിക്കുന്നു . ഇങ്ങനെ അടിച്ചമര്‍ത്തിയ വികാരവുമായി സമൂഹത്തില്‍ ഇടപഴകുമ്പോള്‍,രാത്രി കാലങ്ങളില്‍ തനിച്ചു കാണുന്ന സ്ത്രീയോടും ,ട്രെയിനിലോ ബസ്സിലോ യാത്ര ചെയ്യുമ്പോളും അടിച്ചമര്‍ത്തിയ വികാരത്തെ, സ്ത്രീയെ അറിയാനുള്ള ആഗ്രഹത്തെ പുറത്തെടുക്കാന്‍ നോക്കുന്നു .ആ സമയത്ത് സമൂഹം കുടുംബം അമ്മ പെങ്ങള്‍ തുടങ്ങിയ വ്യക്തിത്വ രൂപികരണ ഘടകങ്ങള്‍ അവനെ പിന്നോട്ട് വലിക്കുന്നു.ഈ പറഞ്ഞവ അവനെ സ്വാദീനിചില്ലെങ്കില്‍ വികാരത്തെ നിയന്ത്രിക്കാന്‍ കഴിയാതെ വരികയും കാമ പൂര്‍ത്തീ കരണത്തിന് ശ്രമിക്കുകയും ചെയ്യും .ശക്തി പ്രേരകങ്ങള്‍ ആയീ മദ്ധ്യം മയക്കു മരുന്ന് എന്നിവയും കൂട്ടിനുണ്ടാകും .അവിടെയാണ് പീഡനങ്ങളും ബലാല്‍ക്കാരവും ഉണ്ടാകുന്നത് എന്നാണ് ഞാന്‍ കരുതുന്നത് .അതുകൊണ്ടല്ലേ ഒരേ വികാരം ഉള്ള എല്ലാവരും പീഡിപ്പിക്കാനും ബാലല്‍ക്കരത്തിനും പോകാത്തത്.മദ്യവും മയക്കു മരുന്നും ഉപയോഗിക്കുന്ന എല്ലാവരും പീഡന ക്കാര്‍ ആകാത്തത് ?
കൊല ചെയ്താല്‍ തൂക്കി കൊല്ലാന്‍ നിയമം ഉള്ള നമ്മുടെ നാട്ടില്‍ നിയമത്തെ ഭയന്ന് ആരും കൊല ചെയ്യതിരുന്നിട്ടില്ല .ലോകത്ത് ഒരു രാജ്യത്തും നിയമത്തെ ഭയപ്പെട്ട് ആരും കുറ്റം ചെയ്യാതിരുന്നതായി കേട്ടിട്ടില്ല.പിന്നെ എങ്ങനെയാണു നമുക്ക് ഇത്തരം ആവര്‍ത്തന പീഡനങ്ങള്‍ക്ക് അറുതി വരുത്താന്‍ കഴിയുക ?
(തുടരും .....................)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ